Богата предновогодишна културна програма во Крива Паланка

Од:

Со музички, сценски и забавни активности за сите генерации, локалната самоуправа на Општина Крива Паланка годинава ќе ја организира досега најбогатата предновогодишна културна програма.

Програмата која ќе биде надополнета и со новогодишен базар ќе се реализира на централниот градски плоштад, а ќе трае од 27 до 31 декември.

-Во духот на празнувањата и новогодишната магија што ги развеселува граѓаните и ќе ги оттргне од секојдневието, особено во периодот на пандемија, што сите нѐ оптоварува, годинава во нашиот град ќе се реализира „Кривопаланечки новогодишен базар”. Програмата е распоредена во пет дена, во кои е предвидена забава и музика, веселба и атмосфера за расположение на сите генерации. Во деновите што претстојат моите сограѓани ќе ги забавуваат едни од најдобрите домашни и регионални ѕвезди, меѓу кои: Владо Јаневски, Нокаут, Елена Велевска, „ЈУ фор ју”, Слаткар, дуото Александар и Дац и многу други, а добредојдени се сите љубители на добра музика и забава од регионот и државата, изјави градоначалникот на Општина Крива Паланка, Сашко Митовски.

За забавување на најмладите ќе бидат задолжени „Златните славејчиња” и „Распеаните симитчиња”, а дополнително ќе бидат ангажирани кловнови и жонглери.

Митовски посочи дека сите активности ќе се реализираат согласно мерките и протоколите за заштита од Ковид-19.

Би можело да ве интересира

Пуштен патот Крива Паланка -Деве Баир, Николовски најави повеќе нови проекти

Предраг Петровиќ

Наум Поцев го фати чесниот крст од водите на Крива Река

А1он

Колку луѓе ја дочекаа Нова година на небото? Во моментот на пристигнување на 2024 летале 10.560 авиони

А1он

Ковачевски со новогодишна честитка: Среќна Нова 2024, можеме, знаеме и умееме да обезбедиме подобар живот за сите

А1он

Првото бебе во 2024 година е машко: Се роди точно на полноќ

А1он

Новата година веќе пристигна во Кирибати