Благој Веселинов ја прими наградата од „Шутинг старс“ на Берлинскиот филмски фестивал

Од:

Актерот Благој Веселинов и другите европски учесници на „Шутинг старс“ (Shooting Stars) на Берлинскиот филмски фестивал вечерва ги добија наградите од манифестацијата за млади актерски ѕвезди. Свечената церемонија на доделување на наградите на најдобрите млади актери во Европа се одржа во салата „Берлин палас“, под покровителство на платформата Европска филмска промоција (ЕФП).

dobivaj vesti na viber

Наградите им ги врачија членовите на овогодишното жири за оваа програма, режисерката Теона Митевска и актерот Ингвар Сигурдсон (Исланд).

По доделувањето на наградите следеше проекција на филмот Vice по сценарио и во режија на Адам Мекеј.

Веселинов, ѕвездата на „Исцелител“ на Ѓорче Ставрески, е меѓу 10-те најдобри актерски таленти во подем во Европа, со уште девет актери од Ирска, Швeдска, Полска, Данска, Германија, Норвешка, Исланд, Србија и Естонија. На актерите за време на Берлиналето добиваат можност да се претстават пред филмската индустрија и критика.

„Шутинг старс“ е најстарата и најпрестижна иницијатива за промоција на европскиот палент на меѓународниот филмски маркет, а од првата награда во 1998 досега на Берлиналето како еден од најголемите филмски фестивали во светот се претставени 303 наградени актери и актерки, што било пресвртна точка за многумина од нив, меѓу кои и оскаровката Алисија Викандер.

Од Македонија пред Веселинов, оваа награда ја добија Лабина Митевска во 2009 и Наташа Петровиќ во 2011.

Ана Василевска

Би можело да ве интересира

Македонскиот филм повторно во Кан

Ана Ололовска

„Преекспонирано“ во рацете на агентот за продажба The Open Reel

Ана Ололовска

„Северен пол” со американска премиера во МоМА во Њујорк

Ана Ололовска

Берлиналето ќе биде отворено со филм со Изабел Аџани

Ана Ололовска

Македонија ќе биде претставена на Балканскиот филмски фестивал во Истанбул

Ана Ололовска

Почна снимањето на краткиот филм „Сценариото“ во режија на Александра Кардалевска