Битолскиот Народен театар одбележува 77 години од формирањето

Од:

Националната установа „Народен театар“ – Битола денеска одбележува 77 години од формирањето. На 14 ноември 1944 година, со изведба на едночинката на Владо Малески – „Петтоимениот Ѓоре“, почнува репертоарот на театарски претстави на македонски јазик и овој датум се смета за ден на основање на Народниот театар – Битола.

Првите членови, основачи на Битолскиот театар се Јорго Цаца, раководител на групата, Вера Вучкова, Димче и Ацо Стефановски, Мери Бошкова, Симо Георгиевски, Славче Матевски, Георги Карев и Јован Бејко.

Во периодот од 1944 до 1980 година претставите се играат во првата театарска зграда во Битола, изградена во 1908-09 година по наредба на битолскиот валија Абдул Керим-паша, а од 1980 година со уривањето на стариот и изградба на нов современ објект, битолскиот театар претставите ги изведува во свои простории – Домот на културата во овој град.

– За нас оставаме да зборуваат наградите, публиката, успехот, а тие едногласно кажуваат дека Битолскиот театар повторно го врати приматот на најдобар театар во нашата држава, а и надвор од неа, во регионот. Нашиот театар станува бренд кој со гордост ги негува македонскиот јазик и култура, достојно и гордо ги претставува насекаде во светот. Годинава роденденот го прославивме со претставата „Сомнително лице” која синоќа се одигра на големата сцена „Благој Стефановски – Баге“, соопштија од Народниот театар – Битола.

Во рамки на одбележувањето на годишнината, во фоајето на театарот се изложени фотографии од претстави кои ги изработија Петар Ставрев и Сашо Ставрев.

Фото: „Кинокултура“

Би можело да ве интересира

„Идиот“ во режија на Андреј Цветановски имаше премиера во Нови Сад

Ана Ололовска

Промовиран првиот детски театарски практикум „Од игра до претстава“ од Игор Ивковиќ и Афродита Кирјаковска

Ана Ололовска

Промоција на книгата „Од игра до претстава – театарски практикум“

Ана Ололовска

Златна 2021 година за Битолскиот театар

Премиера на дуодрамата „9“ од Гоце Ристовски

Ана Ололовска

Македонската претстава „Самоубиство во самоодбрана“ освои три награди во Србија

Ана Ололовска