Бесплатен курс за уметничка фотографија на Фото кино клуб „Козјак“ – Куманово

Од:

Фото кино клуб „Козјак“ од Куманово и годинава ја организира бесплатната школа за уметничка фотографија, која ќе стартува од утре и ќе трае наредните три месеци, а ќе се одвива во просториите на Фото кино клуб „Козјак“. Фото-школата има за цел промоција и едукација на младите за уметничка фотографија кои подоцна стануваат членови на фото клубот, по што тие имаат можност да учествуваат на државни и интернационални конкурси за уметничка фотографија на кои веќе со години учествува Фото кино клубот.

-Курсот е поделен во два дела, првиот дел е обука за користење на фотоапарат и функциите заедно со композиција на уметничка фотографија, а вториот дел е дигитална фотолабораторија – Photoshop. Курсистите кои успешно ја завршуваат школата се стекнуваат со диплома и учествуваат на клупската изложба „Мајски салон“, која е презентација на најуспешните дела во тековната година. Предавачи во рамки на школата се членовите на ФКК Козјак како и други гости поврзани со фотографијата и сродните уметности, изјави менторот Милош Нешковски.

Досега на фото-школата учествувале просечно од 20 до 30 учесници. ФКК „Козјак“ организира и Фото Салон Куманово, кој традиционално се одржува кон крајот на годината.

Би можело да ве интересира

Промовирана книгата „Дванасет македонски фотограф(к)и“

Ана Ололовска

Промовирана фотомонографија „Црвениот виор на Тоде Ивановски“ од авторот Данка Јанковска

Ана Ололовска

„Астрофото“ натпревар од 15 октомври во Скопје

Ана Ололовска

Граѓански Центар АктивУм објави конкурс за фотографии за старо и ново Куманово

Ана Ололовска

Мајкл Волф: Човекот кој пронајде убавина во огромните градови

Ана Ололовска

„Народните носии низ објективот на Тошо Дабац“ – фотоизложба од Хрватска

Ана Ололовска