Балет „Дон Кихот“ на 6. декември на големата сцена на Националната опера и балет

Од:

Балетот „Дон Кихот“ од Лудвиг Минкус ќе биде изведен на 6 декември на големата сцена на Националната опера и балет. Кореограф на оваа украинско-македонска копродукција е Виктор Јаременко, уметничкиот директор на еден од трите најпознати балетски ансамбли во светот – Балетот во Киев, сценограф е Андреј Злобин, додека под костимографијата се потпишува Гана Ипатиева.

Оркестарот од пултот ќе го води диригентката Бисера Чадловска.

Волшебна приказна за ветерници, „совршената“ жена, вистинската љубов и сето она помеѓу. Балетско дело поставено на музиката на Минкус со експресивно темпо кое резултира со познатиот Don Q pass de deux, кој дава акцент на целата претстава.

Во главните улоги настапуваат:
Китри: Марија Кичевска Шокаровска
Базил: Васил Чичијашвили (Грузија)
Еспандо: Игор Веланоски
Мерцедес: Наташа Јосифовска
Улична: Ивана Коцевска
Дон Кихот: Александар Петковски
Санчо Панса: Лора Тарчуговска
Балетскиот ансамбл и оркестарот на Националната опера и балет. Учествуваат и деца од балетскиот оддел на нижо и средно балетско образование при ДМБУЦ „Илија Николовски Луј“

Чешкиот композитор и виолинист Лудвиг Минкус (1826-1917) напишал неколку популарни балети, а речиси сите од нив, а особено балетот „Дон Кихот“ и денес се изведувани низ целиот свет. „Дон Кихот“ е балет во три чина базиран на познатиот истоимен роман од Мигел де Сервантес. Во него Минкус се покажува како одличен балетски мајстор и познавач на танцовиот стил. Во музиката, полна со мелодичност, силен ритмички пулс и чисти хармонски структури тој јасно го одразува духот на своето време.

Би можело да ве интересира

Балетските претстави „Кармен“ и „Валпургиска ноќ“ во НОБ

Ана Ололовска

Четири изведби на балетот „Оревокршачка“

Ана Ололовска

Балетската претстава „Оревокршачка“

Ана Ололовска

Балетот одбележува 70-годишниот јубилеј

Ана Ололовска

„Живот во движење“ за јубилејот на Балетот

Ана Ололовска

Балетот „Дон Кихот“ на 6 декември на големата сцена на Националната опера и балет

Ана Ололовска