Бабачиќ: Правото на образование на мајчин јазик е едно од најголемите добра

Од:

Образованието на мајчин јазик, од најрана возраст, е многу важно и основа за понатамошното учење и поттикнување на интересот за знаење кај децата. Затоа со задоволство се пријавив на Повикот за подготовка на материјали за учење за прво одделение, вели Изета Бабачиќ, која заедно со Аида Зуковиќ се авторки на учебникот по босански јазик.

– Сметам дека правото на образование на мајчин јазик е едно од најголемите добра за припадниците на бошњачката заедница во Република Северна Македонија, затоа при подготовката се водевме според принципите и критериумите кои се бараат и според позитивните реформи кои се работат во нашето образование. Учебниците имаат вредност за секое време за кое се користеле и така и ние се потрудивме да креираме учебници за ова време и работевме според наставната програма, вели Бабачиќ.

Како што информира Министерството за образование и наука, според авторката, во материјалот за учење е посветено внимание на психологијата на децата на оваа возраст, за учењето да биде лесно, спонтано и да одговори на нивната потреба за љубопитност.

– Вредноста на учебникот за прво одделение, без разлика на кој наставен јазик, е содржините да бидат еднакви за сите деца и единствена разлика да биде само наставниот јазик. И така се обидовме да овозможиме еднаков пристап до образовните содржини за сите деца, додава Бабачиќ.

Според авторката, во учебникот големо внимание е посветено и на содржини кои ќе им овозможат на децата полесна комуникација во животните ситуации. Покрај содржините од медиумска култура, новините се однесуваат и на описменување со разбирање, но и на примање и давање информации со размислување како основа на критичкото размислување.

Би можело да ве интересира

Учебникот по Историја ќе доцни оти нема кој да го рецензира, а дури вчера заврши доставата на другите учебници за оваа година

Орце Костов

МОН: Учебници за шесто одделение ќе се испорачуваат и викендов

Орце Костов

Шаќири: Учебниците за шесто ќе се достават од петок, но ако има потреба ќе се работи и викендов

Орце Костов

Шаќири: Секој учебник ќе биде доставен во училиште до крајот на септември

Орце Костов

Државата издвои 16 милиони евра за учебници, а некои од нив ќе стигнат за Нова Година

Орце Костов

МОН: Најголемите критичари денес во минатото најмногу доцнеа со набавките на учебници

Горан Наумовски