„Аудиција“ нова премиера во Битолскиот театар

Од:

Ансамблот на НУ Народен театар – Битола викендов премиерно ќе ја изведе комедијата „Аудиција“ работена според текстот на рускиот драматург Александар Галин, а во режија на Благој Мицевски.

Според режисерот Мицевски во претставата се дава одговор на прашањето зошто луѓето остануваат во провинција, најчесто од семејни причини или работата на која се посветени.

-Овој театарски проект се подготвуваше неколку месеци, но се надевам дека тоа е претстава со подолг живот. Оваа претстава прв пат се игра на македонската театарска сцена, и тоа е дополнително задоволство од овој театарски проект, истакна режисерот Мицевски.

На прес – конференција во битолскиот клуб на уметниците, драматургот Оливера Павловиќ посочи дека пиесата „Аудиција“ обезбедува жива комуникација меѓу актерите и публиката, и тоа е една од улогите на театарот што треба да ја одигра во ова време на голема одтуѓеност и живот во некаков виртуелен свет.

-„Аудиција“ многу одговара на нашот ментален склоп и нашиот стил на живеење. Интерпретацијата на актерите во претставата е многу отворена и овозможува допир со гледачот. Во оваа комедија се крие една силна драма за нашите конфликти, за нашето недоразбирање со самите себе, за нашите желби но и можности. Приказната е едноставна и апсурдна до смеа или до солзи во зависност од тоа кој како гледа на човечките промашувања за да се разбере самиот себеси, нагласи Павловиќ.

Во претставата „Аудиција“ ќе настапат актерите Јулијана Стефанова, Соња Михајлова, Александар Копања, Марија Стефановска, Соња Ошавкова, Јулијана Мирчевска, Борче Ѓаковски, Петар Горко и Васко Мавровски.

Би можело да ве интересира

Онлајн премиера на проектот Театарот во креативни индустрии – дисперзирана драматика во Скопје

А1он

Проектот „Патиштата на хероите“ на МНТ доби 395 илјади евра од ЕУ

Ана Ололовска

Монодрамата „Дневникот на лудиот“ вечер на отворено во Театар Куманово

Ана Ололовска

Монодрамата „Прво лице еднина“ вечер во дворот на кумановскиот театар

Ана Ололовска

Театарска претстава „Нови мерки, старо другарство” беше изведена во градскиот парк во Кавадарци

Ана Ололовска

„Нови мерки, старо другарство“, театар вечерва на отворено во Кавадарци

Ана Ололовска