„Артекологија“ – најновиот проект на „Арс Акта“ за мас-медиумите и екологија

Од:

Институтот за култура и уметност „Арс Акта“ денеска го најави најновиот проект насловен „Артекологија“. Станува збор за онлајн проект, што се занимава со две предоминантни линии, а тоа е достапноста на мас-медиумите и екологијата.

dobivaj vesti na viber

На него со свои уметнички интервенции – кратки видеа учествуваат девет уметници – Роберт Јанкулоски, Моника Мотеска, Гоце Наневски, Славица Јанешлиева, Кристина Пулејкова, Денис Јагџи, Марија Сотировска, Борис Шемов и Игор Сековски, а куратор на проектот е Ана Франговска.

-Уметност достапна до секого е пристап кон промоција на уметноста со кој таа се деинституционализира, излегува од својата комфорна зона и елитизмот, и се обнародува, т. е. станува достапна до пошироката публика, како дел од општествено-социјалната иконосфера, соопштија од тимот на „Арс Акта“.

Оттаму посочуваат дека и порано имале успешни реализации и проекти во доменот на уметноста во јавен простор, со двете изданија на „Уметност на билборд 1 и 2“ , како и со последната изложба „Траумакултура“, која се реализира во фабриката „Ариљеметал“.

-Но, бидејќи нашите интереси во евидентирање на можностите на времето, технологијата и преокупациите на публиката се продлабочуваат, решивме да се обидеме да го „нападнеме“ и виртуелниот простор, користејќи интернет, веб-платформи, социјални мрежи и портали. Во секојдневното социјално-општествено егзистирање, некако природно е да се помисли дека токму овој простор е соодветен за нов уметнички проект и за „контаминација“ со уметност и на обичната публика, која несвесно ќе биде „заведена“ да „консумира“ уметнички дела, да отвори едно авторско решение и потоа, евентуално, да биде „намамена“ да прочита нешто за авторот или, пак, за контекстот на проектот, а веројатно и да види наредно дело, појаснуваат во соопштение.

Проектот, како што велат, е осмислен да понуди уметност на различни нивоа, но оној момент на заведување или намамување е уметноста која се појавува како „реклама“ при разновидно разлистување на страници, платформи, социјални мрежи, јутјуб-канали. Целта е да го „нападнат“ обичниот набљудувач со уметност, наместо со вообичаени комерцијални видеа или политички ветувања; да го натераат да погледне нешто што ќе го измести од вообичаената секојдневна зона и вкус нурнувајќи во една поинаква естетика, пософистицирана, повисока. Да го принудат да се запраша што гледа, што е тоа што се „рекламира“, постепено сфаќајќи дека гледа нешто што нема комерцијална заднина, ниту, пак, промовира некој познат бренд. На овој начин, според организаторите, уметноста ќе влезе во сечиј дом.

-Уметност на екологија, или „Artecology“, е насловот на проектот и е во согласност со еколошките и политички прашања што ги преокупираат светските политики, а секако, сѐ почесто и уметниците, кои чувствуваат потреба и одговорност да се приклучат кон сеопштата битка за спас на планетата Земја. Оваа потреба уште повеќе се нагласи со пандемијата со корона-вирусот, време во кое речиси сите се запрашавме за природата, земјата, космосот и колку со својата негрижа постепено но сигурно ја уништуваме нашата нормална еколошка средина, додаваат во соопштението.

Уметниците во овој проект говорат за природата, екологијата, уништувањето, вирусите, дезориентираноста, екологијата/или ерозијата на духот и сите останати нуспојави, „демоните“ на секојдневието кои доведуваат до промена на нормалноста во која живееме.

Би можело да ве интересира

Утре започнува шестото издание на мултимедијалниот фестивал ArtArea/Артерија

Ана Ололовска

Започна 15-та јубилејна Меѓународна графичка работилница „Софија“ во Богданци

Ана Ололовска

Зоран Попоски изложува на Месецот на дигитална уметност во Париз

Ана Ололовска

Изложба на проширено кино „Терански Фрагменти“

Ана Ололовска

Избрани четворицата финалисти за наградата ДЕНЕС за млад визуелен уметник до 35 години

Ана Ололовска

Македонските уметници може да учествуваат во изработка на мурал за иднината на Европа

Ана Ололовска