Адеми: Потврдена одличната културна соработка со Турција, Црна Гора и Словенија

Од:

Mинистерот за култура Асаф Адеми денеска во рамки на Третата светска конференција за туризам и култура што се одржува во Истанбул оствари билатерални средби со своите колеги од Турција и од Црна Гора Мехмет Нури Ерсој и Александар Богдановиќ, како и со државниот секретар во словенечкото Министерство за култура Јанс Шкоберне.

Како што информира Министерството за култура, Адеми и неговиот турски колега Мехмет Нури Ерсој изразија задоволство од досегашните односи меѓу Република Македонија и Република Турција кои ги карактеризира дух на пријателство и традиција, како и постојани заложби на двете страни за нивно унапредување. Двајцата соговорници изразија уверување дека наскоро ќе се потпише и новата програма за културна соработка меѓу ресорните министерства во двете држави, а се осврнаа и на актуелните прашања кои се однесуваат на културните центри во двете земји, како и активностите кои се поврзани со нивното отворање.

На средбата, како што се наведува, беше нагласена и одличната соработка со Турската агенција за соработка и координација со чија поддршка беа реализирани голем број проекти. Меѓу другите проекти, беа напомнати и редовното претставување на Република Македонија на Саемот на книгата во Истанбул, преводот на дела од неколку македонски значајни автори на турски јазик преку Конкурсот за финансирање преводи на репрезентативни и квалитетни дела од македонската книжевност на странски јазици што го реализира Министерството за култура и други проекти од дејностите од областа на културата.

Во рамки на престојот во Истанбул, министерот Адеми оствари работна средба и со неговиот црногорски колега Александар Богдановиќ, на која беше изразена подготвеност во наредниот период да се интензивираат соработката и размената на проекти во двете држави.

На средбата, како што се наведува, беше нагласено дека Република Македонија и Црна Гора досега имаат реализирано успешна соработка во сите дејности од областа на културата, а голем е бројот на македонските уметници кои успешно се претставиле во оваа земја. Двајцата соговорници подвлекоа дека двете држави остваруваат одлична соработка и во рамки на еминентните меѓународни организации, како што се: Форумот за словенски култури, Советот на министри од Југоисточна Европа, УНЕСКО. Беше нагласена и соработката која се негува во рамки на меѓународната мрежа „Традуки“, програмата на Европската унија „Креативна Европа“, а стана збор и околу Договорот за соработка со календар на активности во 2019 година. Беше истакнато дека потпишување на Програмата за културна соработка меѓу Министерството за култура на Република Македонија и Министерството за култура на Црна Гора, овозможува интензивирање на соработката меѓу институциите од областа на културата.

Министерот Адеми во рамки на Конференцијата во Истанбул оствари билатерална средба и со државниот секретар во словенечкото Министерство за култура Јанс Шкоберне. На средбата Адеми нагласи дека Република Македонија и Република Словенија традиционално негуваат одлични културни релации, а оваа земја е наш голем пријател и поддржувач во евроинтегративните процеси, за што упати уверување дека оваа поддршка ќе продолжи и во наредниот период.

Адеми и Шкоберне се договорија за поинтензивна размена на културни програми меѓу институциите во двете земји, како и поинтензивна соработка меѓу националните филхармониски оркестри во Македонија и Словенија, со потпишување билатерални договори кои би овозможиле заеднички концерти, размена на диригенти, уметници и сл.

– Во насока на позначајна презентација на македонската култура во Словенија, на средбата беше разговарано и околу можноста да се основа и Културно-информативен центар во оваа земја. Во наредниот период се очекува да биде потпишан и нов билатерален документ меѓу Република Македонија и Република Словенија кој ќе претставува правна рамка за соработка меѓу институциите во двете земји, се вели во соопштението од Министерството за култура.

Би можело да ве интересира

(ВИДЕО) Муамер Абедин, самоук музичар на повеќе од десет инструменти: Научив да свирам од велешката чалгија во која уживал и турскиот султан

Орце Костов

Силен земјотрес во Турција, кај Анталија се тресеше со јачина од 4,8 степени

Катерина Ѓуровски

Силен земјотрес ја погоди Турција

ВИДЕО: Полета првиот турски борбен авион од 5-та генерација

Силен земјотрес ја погоди Турција

Горан Наумовски

Несреќа во рудник за злато во Турција: Најмалку девет рудари се затрупани