Над 1000 затвореници се потпишале на петицијата со која бараат намалување на казните и помилување од Ѓорѓе Иванов.
Во текот на денот, како што информираа денеска адвокатите Звонко Давидовиќ и Душко Јовановиќ, тие ќе достават речиси 2.000 барања за помилување до претседателот Иванов, бидејќи од вкупно 3.152 осуденици, досега на списокот се потпишале 1.803 затвореници од машкото и женското одделение од затворот Идризово и од штипскиот затвор. Адвокатите Давидовиќ и Јовановиќ очекуваат бројот да се зголеми до крајот на денот и да се приклучат затвореници и од другите затвори низ Македонија.
Затворениците не бараат целосно помилување, туку намалување на казните. Доколку не им биде одговорено на нивните барања, најавуваат дека ќе протестираат и нема да гласааат на претстојните избори.