УПОЗ: Ако не ни ги исполнат барањата повторно ќе штрајкуваме

Од:

Синдикатот на УПОЗ по денешниот Извршен одбор на Претседателството одлучи дека доколку судската власт преземе дејствија спротивни на барањата на штрајкувачите, штрајкот повторно ќе биде активиран.

„Беше оценето дека судската и извршната власт за време на штрајкот а и потоа, не пројавија никаков интерес и низ дијалог и преговори со Синдикатот да го решат настанатиот спор. Во овој период, најбезобразно демонстрираа ароганција, сила и моќ што кулминираше со незаконското казнување на учесниците во штрајкот. За извршната и судската власт ништо не значеа ниту укажувањата од Државниот инспекторат за труд и Народниот правобранител дека постапиле незаконито казнувајќи ги штрајкувачите. Исто така, ништо не значеа и укажувањата од Светската и Европската федерација на Синдикатите од јавниот сектор дека Владата на РМ и Министерството за правда должни се да преговараат со Синдикатот“, велат од УПОЗ.

Според УПОЗ, фактот што е формирана техничка влада уште повеќе придонесува за статус кво во состјбата со барањата на Синдикатот.

„Синдикатот на УПОЗ моментално не гледа сериозен и одговорен социјален партнер во сегашниот состав на Министерството за правда и Судскиот буџетски совет, а не сакајќи да ги изложи своите членови да бидат незаконски казнувани, да бидат малтретирани и да им се закануваат, донесе одлука штрајкот во судовите во Република Македонија да остане во мирување.

Ваквата одлука не значи дека Синдикатот на УПОЗ и Здружението на судска администрација (ЗСА) како организатори на штрајкот се откажуваат од барањата. Тие и натаму низ институциите ќе ја водат битката, со поднесување на кривични пријави, судски постапки за враќање на незаконските одлуки за скратување на платите, тужба пред Меѓународната организација на трудот (МОТ) и ќе очекуваат одговорен социјален партнер кој ќе има слух за оправданите барања за работниците“, соопштуваат од УПОЗ.

Би можело да ве интересира

Џафери: Закажани се избори, не може да се потпишат колективни договори, протестите на универзитетите се за дневни политики

(ВИДЕО) Неколку лица се уапсени по судирите меѓу земјоделците и полицијата на саемот во Париз

Горан Наумовски

Штрајк на просветните работници во речиси 160 училишта во Црна Гора

Протести и штрајкови најави Синдикатот на Министерство за финансии при УПОЗ ако не се потпише колективен договор

Горан Наумовски

Се прекинува штрајкот во ФЗОМ – платите исти до мај

300.000 Финци штрајкуваат – затворени фабрики, продавници, градинки…