Претседателот на Европскиот совет Доналд Туск изјави денеска дека ако на референдумот во Велика Британија на 23 јуни бидат повеќе гласови за поддршка на излез на земјата од ЕУ, тоа ќе ја промени Европа засекогаш.
– И таа промена ќе биде не кон подобро, туку кон лошо, предупреди Туск.
Претседателот на Европскиот совет истакна дека нема да има втора шанса, ако Британците кажат „не“ на членството во ЕУ.
Договорот, склучен на крајот на минатата седмица меѓу ЕУ и Велика Британија за условите на британското членство, е неповратно и Европскиот суд не може да го анулира, истакна Туск.
Тој категорично истакна дека тој договор е во согласност со европските договори.