Дипломатот Тим Бароу ќе биде новиот постојан претставник на Велика Британија во Европската унија, објави Фајненшал тајмс. За именувањето потврди извор од британската влада.
Бароу досега беше политички директор во британското МНР. Претходно бил амбасадор во Русија и двапати бил на функции во Брисел.
Како постојан претставник на Британија во ЕУ, Бароу ќе игра важна улога во преговорите за излегување на државата од Унијата.
На таа функција до вчера беше Ајвн Роџерс, кој поднесе оставка, три месеци пред предвидениот почеток на преговорите, упатувајќи критики за неподготвеноста на владата на премерката Тереза Меј.