Темелко: Македонците во Албанија се дискиминирани

Од:

Етничките Македонци во Албанија се дискиминирани и се чувствуваат многу вознеминрени од растот на ескремен начин на националистичките тонови, кои се опасност што може да им наштети на државните односи меѓу Албанија и Македонија. Од друга страна ние се чувствуваме горди што Република Македонија ги штити и ги почитува до максимум правата на Албанците таму.

Во Албанија правата на македонското малцинство не се почитуваат ни 10 отсо споредено со оние на Албанците во Република Македонија.

Ова во интервју за тиранскиот весник „Газета шќиптаре“ го изјави, Едмонд Темелко, градоначаникот на општина Пустец и лидер на партијата на Македонците, Македонска алијанса за европска интеграција – МАЕИ.

На прашањето што бараат Македонците од албанските власти Темелко одговара дека тоа е почитување на меѓународните конвенции и апелите на меѓународните организации за заштита на македонскиот етнички идентитет, култура и религија.

– Бараме настава на свој мајчин македонски јазик за сите Македонци во Албанија, без разлика каде живеат во Голо Брдо, Гора или, пак, во други региони, како и застапеност во јавната администрација, судството и полицијата, каде што нас Македонците воопшто и не нема. Значи, да ги имаме истите права како и Албанците во Република Македонија, кои, како што знаете и вие, застапени се на сите нивоа на власта и јавната администрација, изјави Темелко, категорично нагласувајќи дека Македонците во Албанија го бараат само она што им припаѓа со меѓународните конвенции.

Во врска предизборното коалицирање на МАЕИ, партија која на последните локални избори коалицираше со Демократската партија на Сали Бериша, Темелко вели дека коалицираат со онаа партија која што ќе го гарантира исполнувањето на правата на Македонците.

– Гарантирање на правото на образование на мајчин македонски јазик. Македонците што живеат во Голо Брдо немаат училиште каде ќе учат на мајчин македонски јазик. Та е скандалозно, отворено насилство врз малциснтвата. За тоа доставивме петиција до сите надлежни и се уште немаме одговор. Згора на тоа Македонците денес се во опасност од естремните националистички кругови, како што е Алијансата „Црвено црни“ кои неодмана се осмелија да им се закануваат на Македонците во Пустец. Многу сме блаодарни што имаше остра осуда од страна на американскиот амбасадор во Тирана, за жал албанските државници не реагираа, вели првиот човек на Пустец.

Тој искажува убеденост дека пратениците во албанскиот парламент ќе го изгласаат законот за враќање на автентичните топони во Мала Преспа.

Би можело да ве интересира

Дијаспората ќе гласа само за претседател, нема доволно пријави за изборите на пратеници

Катерина Ѓуровски

Дијаспората незаинтересирана за гласање во Македонија: Досега пристигнати 209 пријави

Османи: Има паника кај граѓани во дијаспората дека после 12 февруари ќе ги загубат работните места и дозволите за престој

Орце Костов

Успешните од дијаспората да напишат мотивациско писмо зошто сакаат брза лента на аеродромите – Османи повторно дели МКарта

Орце Костов

Македонската дијаспора од ЕУ во 2021 година во Македонија испратила 325 милиони евра

Горан Наумовски

Благој Нацоски ја поздрави мерката на Османи: Ќе ја користам „МКартата“ за брза лента на нашите аеродроми

Орце Костов