Матурантите да се воздржат од употреба на алкохол и други психотропни супстанции за време на прославите на матурите, апелираше денеска СВР Куманово.
Од полицијата нагласуваат-матурските вечери, матурантите да ги поминат достоинствено, убавите моменти да ги паметат во текот на сиот свој живот, да не ги претвараат во кошмар или несакани настани.
СВР Куманово денеска апелираше и до класните раководители, стручните служби во училиштата, родителите на матурантите, да разговаат со учениците и да преземат соодветни мерки, да ги поучат како одговорно да се однесуваат за време на матурските прослави.
Родителите, стои во соопштението на СВР Куманово, да не им дозволат на матурантите да заминат на прославите со возило, без оглед на тоа колку нивото дете е разумно и одговорно, туку самите да ги превезат до угостителските објекти или да користат такси превоз.
Од СВР Куманово апелираат матурантите да избегнуваат расправии, тепачки и физички напади, со кои се нарушува јавниот ред и мир. Класните раководители треба да одржат класен час на кој на матурантите ќе им биде укажано за дотоинствен начин на прослава на матурите.