Спиро Ристовски неоправдано бил држен во притвор за „27 април“ одлучи судот во Стразбур

Од:

Европскиот суд за човекови права (ЕСЧП) во Стразбур утврди прекршување на правата од член 5, став 3 и 4 од Европска конвенција за заштита на човековите права во случајот „Пешов и Ристовски вс. Северна Македонија“, кој се однесува на наводно недоволно образложение во судските одлуки со кои се определува притвор и одредени процедурални пропусти во постапките по жалбите за притворот одреден на поранешниот министер Спиро Ристовски и раководителот на одделот за посебни единици во полицијата Митко Пешов во врска со кривичните постапки со инцидентот на 27 април 2017 година во Собранието.

Пред ЕСЧП најпрво стигнува жалба од Пешов, а потоа и од Ристовски, кои поради сличниот предмет на жалбите, Судот смета дека е соодветно да ги испита заеднички и заседава на 12 декември 2023 година.

Во пресудата објавена денеска ЕСЧП, едногласно одлучува и ги прогласува за прифатливи жалбите на апликантите според член 5 став 3 од Конвенцијата и нивните жалби според член 5, став 4 од Конвенцијата, а кои се однесуваат на одложеното разгледување на решението за притвор на Митко Пешов од 26 јануари 2018 година и наредбите за куќен притвор на Спиро Ристовски од 25 декември 2019 година и 23 јули 2020 година.

Судот утврдува дека има повреда на член 5 став 3 од Конвенцијата во однос на двајцата апликанти, додека во однос на Пешов смета дека има повреда на член 5 став 4 од Конвенцијата, поради задоцнетата достава на жалбата на јавниот обвинител против наредбата за неговиот домашен притвор и поради одложеното разгледување на неговиот притвор, а во однос на Ристовски, смета дека има повреда на член 5 став 4 од Конвенцијата поради тоа што не му се доставила копија од поднесоците на повисокиот јавен обвинител како одговор на жалбите на апликантот против десет наредби за продолжување на куќниот притвор.

Државата, се вели во пресудата на ЕСЧП, треба во рок од три месеци да плати по 750 евра на секој од апликантите, во однос на нематеријална штета, додека во однос на трошоци и расходи на Митко Пешов 1.440 евра, а на Спиро Ристовски 1.500 евра.

Би можело да ве интересира

Европскиот суд за човекови права утврди повреда на правото на слобода на движење

ВМРО-ДПМНЕ: Владата да не слави за одлуката во Стразбур, судот само констатира дека апликациите се преуранети

Ковачевски: Одлуката на ЕСЧП е огромна победа и успех на државава

Влада: Одлуката на Судот во Стразбур е во корист на државата

Пендаровски ја поздрави одлуката на Европскиот суд за човекови права во Стразбур

Судот во Стразбур ќе ја објави одлуката за поништената аболиција на Иванов

Катерина Ѓуровски