Маж почина вчера вечер во службените простории на полицијата во Сплит. Тој е приведен поради нарушување на јавниот ред и мир. Истрагата не утврдила дека тој починал од насилна смрт, известуваат хрватските медиуми.
– Синоќа половина час пред полноќ во притворската соба во полициската станица во Сплит почина 52-годишен маж, кој бил приведен поради нарушување на јавниот ред и мир. Пред да биде донесен во полиција, бил пренесен на преглед во болница, а откако не бил задржан на лекување, бил донесен на распит во службените простории – се вели во соопштението на полицијата.
Полициски службеници го сместиле 52-годишникот во притворот и забележале дека не реагира. Веднаш била повикана екипа на брза помош по што констатирале смрт без траги на повреда.
За настанот бил известен заменикот на државното правобранителство, наредена е истрага и лекарска обдукција, а телото е пренесено на Одделот за патологија, информираат хрватските медиуми.