Предизвиците и можностите за улогата на жените и мажите во соочување со последиците од климатските промени се во фокусот на Првата регионална работилница за родова еднаквост во креирање на политиките за справување со климатските процеси, што денеска и утре се одржува во Скопје.
На работилницата беше посочено дека политиките за климатски промени на секоја земја треба да ја земат предвид различната улога на жените и мажите во градењето на отпорноста на заедницата на климатските промени.
– Во оваа насока потребна е обука, покревање на свеста на национално ниво преку процеси на комуникација организирани на национално ниво, со цел да се обезбеди еднаков ангажман на жените и мажите во донесувањето на одлуки во креирање политики и справување со последиците од климатските промени, рече Анита Коџоман од Програмата за развој на Обединетите нации (УНДП).