Пријава на винарите од регионот за првиот саем за вино Отворен Балкан во Белград во септември

Од:

Стопанската комора на Србија (ПКС) ги покани производителите на вино и винариите од целиот регион да се пријават за учество на Првиот меѓународен саем за вино „Wine Vision by Open Balkan“, јави дописникот на МИА од Белград.

Пријавувањата се до 11 јули, а саемот на вино ќе се одржи од 1 до 4 септември во Белград под покровителство на иницијативата Отворен Балкан.

-Чест ни е и задоволство да ве поканиме на „Wine Vision by Open Balkan“, првиот меѓународен саем за вино организиран од партнерските земји-основачи на иницијативата Отворен Балкан – Србија, Северна Македонија и Албанија, кој ќе се одржи во Белград од 1. до 04.09.2022 година, се наведува во соопштението на ПКС.

Оваа манифестација е идеална можност за производителите на вино и винариите од целиот регион да се претстават пред најшироката публика и со тоа да обезбедат уште поголема видливост на пазарот. Исто така, ова е можност за сите изложувачи да се сретнат, да ги споделат своите искуства и да се поврзат со дистрибутери и претставници на комплементарни индустрии.

Како што се наведува во повикот на Стопанската комора на Србија, крајниот рок за пријавување на излагачите е 11 јули 2022 година, а за учество на Саемот можете да се пријавите со испраќање на формуларот за апликација на: [email protected]

Организатори се земјите-основачки партнери на иницијативата Отворен Балкан – Србија, Северна Македонија и Албанија.

Извор: МИА

Би можело да ве интересира

Со еден клик до работни места во Србија и Албанија: Нова можност за македонските граѓани

Орце Костов

Почнува единствениот пазар на труд на Отворен Балкан

Горан Наумовски

Потпишани Протоколите за Слободен пристап до пазарот на труд во земјите од Отворен Балкан

БЕСА бара Владата да се огради од проектот „Отворен Балкан“

На иницијатива на Ковачевски Скопје, Белград и Тирана на еден ден ќе ги отворат меѓусебните граници

Ана Ололовска

Вучиќ по средбата со Ковачевски и Рама: Се договоривме да заврши процесот за осигурување на работните дозволи

Ана Ололовска