Димитров, од Чешка: Добивме потврда за сработеното и ветер во грб за заслуженото, очекувам тој ветар да не донесе до целта

Од:

Министерот за надворешни работи, Никола Димитров во Прага ја започна дводневната работна посета на Република Чешка со билатерална средба со чешкиот колега, Томаш Петричек.

Фокусот на разговорите е ставен на очекувањата и перспективите на Република Северна Македонија и активностите за поддршка од страна на Република Чешка во контекст на евроинтегративниот процес.

„Чешка е дел од нашето ЕУ патување, помагајќи ни да стигнеме заедно до целта што побрзо. И денес во инспиративната Прага добивме потврда за сработеното и ветер во грб за заслуженото. Очекувам тој ветер да не’ донесе до целта: отворање на пристапни преговори без одлагање“, рече Димитров. 

Се разговараше и за клучните моменти од односите меѓу двете пријателски земји и можностите за нивно понатамошно интензивирање.

Министерот Петричек ја потврди цврстата и континуирана поддршка на Чешка кон евроинтегративните процеси на Северна Македонија.

Тој го нотираше забележителниот прогрес во спроведување на неопходните реформи во земјата, значителниот политички влог и потпишаните договори со Грција и Бугарија, и воедно го потврди својот став дека Северна Македонија заслужува да го започне процесот на преговори.

Министерот Димитров ја продолжува денес работната посета со средби со претседателот на Долниот дом на чешкиот Парламент Радек Вондрачек, државната секретарка за европски прашања Милена Хрдинкова, како и со учество на панел дискусија во Институтот за Европска политика – ЕУРОПЕУМ.

На агендата за утре е предвиден годишниот состанок на Министрите за надворешни работи од земјите од Вишеградската група – V4 и земјите од Западен Балкан – WB6, којшто се организира во рамки на Чешкото претседавање со Вишеградската група.

Би можело да ве интересира

Македонската амбасадорка итно повикана во бугарското МНР: „Лажни се изјавите на македонските политичари“

Орце Костов

МНР го осуди нападот врз цивилите во Газа: Ова е кршење на меѓународното право

Орце Костов

МНР: Ниту едно ДКП нема инструкции да доставува ноти до земјите на акредитација

Горан Наумовски

МНР: Има доволно патни листови во дипломатско-конзуларните претставништва, издавањето е без надомест

Горан Наумовски

30 евра чини патниот лист за граѓаните со неважечки пасош кои треба да се вратат во Македонија

Орце Костов

Османи: Има паника кај граѓани во дијаспората дека после 12 февруари ќе ги загубат работните места и дозволите за престој

Орце Костов