Членот на елитното фудбалско натпреварување во Франција, екипата на Нант, направи навистина смел потег, откако се одлучи да доведе играч во своите редови кој е репрезентативец на Франција, но во футсал!
Иако ова делува помалку неверојатно, а можеби и неочеувано, ова не е прв пат во историјата клубовите да се одлучуваат за ваков потег.
Тулуз неодамна во своите редови го доведе Висам Бен Једер, кој исто така претходно играше исклучиво футсал, а овој играч сега се смета за еден од најдобрите напаѓачи во лигата и најголемите европски клубови веќе се заинтересирани за него, пред се екипата на Барселона.
Слична е и намерата на Нант со Бафоде Дансоко, кој има 19 години и е повремен репрезентативец на Франција во футсал.
Дансоко потпиша договор на една сезона, но ќе може да настапува дури од следната година во дресот на „канаринците“ од Нант. Интересно, сеуште не е познато на која позиција овој млад играч ќе настапува, но се очекува тоа да биде на некоја од напаѓачките позиции.