Артем Јармолаев, московскиот секретар за информациска технологија, соопшти пред новинарите дека Москва ќе се откаже од сервисите „Мајкрософт Ексчејнџ“ и „Аутлук“ коишто моментно ги користат 6.000 компјутери во градската управа.
Како што наведува порталот „Блумберг“, тоа е дел од новите насоки на руската официјална политика, земјата да не зависи од странска технологија. 3а таа цел, софтверот на Мајкрософт ќе биде заменет со оној на „Ростелеком РЈСЦ“, којшто е предвидено да биде инсталиран на 600.000 компјутери.
Додатно, од оваа година, од провајдерите се бара поголем пристап до кодираните пораки, па тоа можеби е една од причините за овој потег.