Фудбалерот на Реал Мадрид, Тони Крос ќе паузира околу два месеца поради повреда на метатарзалната коска, соопшти денеска шампион на Европа.
Повреда германскиот репрезентативец ја заработил во текот на неделниот натпревар со Леганес (3:0) во Примера, иако тој ги одигра сите 90 минути и имаше асистенција при третиот гол за неговиот тим.
Крос, исто така, ќе ги пропушти важните натпревари со Атлетико Мадрид и Барселона во домашното, како и преостанатите два натпревара во Лигата на шампионите против Борусија Дортмунд и Спортинг Лисабон.
Тој е еден од најстандардните во кралскиот клуб со 16 одиграни натпревари оваа сезона во сите натпреварувања.