Со сослушување на сведоците продолжува судскиот процес против осомничените за петкратното убиство кај Смиљковското Езеро.
Агим Исмаиловиќ, Фејзи Азири, Рами Сејди и Хаки Азири, се изјаснија дека не се виновни.
Екстрадицијата на прво и второ осомничениот во случајот Алил Демири и на Африм Исмаиловиќ се уште е заглавена на Косово.
И покрај потпишаниот билатерален договор, косовските власти се уште не одлучиле дали на Македонија ќе и ги предадат двајцата осомничени, против кои во Приштина се води уште една постапка за недозволено поседување оружје.
Не се знае дали форензичарите од косовската полиција утврдиле дали оружјето пронајдено кај уапсените е истото со кое била извршено убиството кај Смиљковци.
Исмаиловиќ и Демири беа уапсени во март годинава во Приштина и оттогаш се во екстрадициски притвор.