Полицијата заплени поголема количина дрога, пари, автомобили и мобилни телефони во акцијата која ја спроведува со Обвинителството за гонење на организиран криминал и корупција од утрово во Грчец и Гази Баба, но и Чаир и Сингелиќ, велат извори од истрага за „А1он“.
Како што објавивме, уапсени се 21 лице, кои се наоѓаат во полициска станица. Претресите и заплените се правени во десетици куќи во овие четири скопски населби.
Уапсените ќе бидат предадени на Обвинителството за гонење на организиран криминал и корупција, по што, ќе бидат спроведени во Кривичниот суд. Неофицијално, ќе се бараат и притвори за дел од осомничените.
Во акцијата беа вклучени специјалните единици на МВР, а станува збор за сузбивање на поголема група на луѓе кои се теретат за сериозен криминал меѓу кои нелегално тргување со дрога. Со оглед дека акцијата и натаму трае, детали за истата се најавуваат по нејзиното завршување.