Лабораториите на Институтот за јавно здравје на Црна Гора, во последниот ден анализирале 591 примероци, при што се регистрирани 147 новозаразени со коронавирус.
Ова е четврти ден по ред во Црна Гора со повеќе од 100 заразени на дневно ниво, а воедно и нов дневен рекорд.
Најмногу новозаразени има во Никшиќ, каде се регистрирани 41, Подгорица со 35 нови случаи и Беране со 30 новозаразени.
Во последните 24 часа има еден починат.
Вкупниот број на смртни случаи поврзани со коронавирусот од почетокот на јуни е 98, а од почетокот на епидемијата 107.
Оздравени се 21 пациенти.
Вкупниот број на активни случаи на Ковид-19 во Црна Гора е 1091. Од почетокот на годината вкупниот број на регистрирани случаи на коронавирусот е 5422.