Генералштабот на АРМ ја демантира информацијата за гумени куршуми кои се пренесуваат кон Скопје.
-ГШ на АРМ во оваа прилика ве информира дека со наведеното возило се пренесуваат средства наменети за редовните активности на Армијата на Република Македонија. Со нив во текот на наредната недела Армијата на Република Македонија ќе изведе редовни и планирани вежбовни активности. Апелираме до медиумите кои ќе дојдат до вакви податоци, во иднина пред истите да бидат објавени, информациите да ги проверат со одговорните лица од Министерството за одбрана на Република Македонија и Армијата на Република Македонија, демантираат од ГШ на АРМ.