Црна Гора има најголем напредок во економските слободи меѓу државите во регионот, но треба да помине низ нови лекции за да ги достигне стандардите на Европската унија, изјави новинарот и колумнист на „Волстрит Џурнал“, Џон Фунд.
Фунд за подгоричкиот весник „Побједа“ вели дека во црногорското напредување се уверил и лично за време на неговиот втор престој во Црна Гора.
– За развојот на Црна Гора беа пресудни две одлуки – воведување на еврото во 2001 и прогласувањето на независност во 2006 година. Тоа Црна Гора го направи поради личниот развој – посочи Фунд.
Тој наведе и дека влезот на Црна Гора во Европската унија подразбира прифаќање на одредени правила и ѝ сугерира на Подгорица добро да размисли пред сè да прифати.