Протест на американските владини службеници во Вашингтон

Стотици вработени во американста Федерална администрација денеска одржаа протестен марш во Вашингтон, барајќи исплата на нивните плати и враќање на работните места.

Маршот, во услови на исклучително студено време, почна пред седиштето на синдикатот на вработените во државните институции, а заврши пред Белата куќа,

Учесниците на маршот скандираа „си ги сакаме нашите плати“ и „сакаме да работиме“, изразувајќи го на тој начин своето незадоволство од блокадата на државните институции во САД до кои дојде поради спорот меѓу американскиот претседател Доналд Трамп и демократите во Конгресот околу финансирањето на изградбата на ѕидот на границата кон Мексико.

Трамп инсистира од Буџетот на САД да се издвојат 5,7 милијарди долари за изградба на ѕидот, на што се противат демократите. Поради овој спор, Конгресот не успеа да го донесе Буџетот за оваа година, па веќе 20 дена делумно не работат федералните институции и на околу 800.000 вработените не им се исплатени платите.

Меѓу транспарентите што ги носеа учесниците на денешниот протест беа и „Трамп, прекини ја блокадата“ и „Пуштете ме да ја работам мојата работа“.

Би можело да ве интересира

Уапсено лице кое планирало напад врз Амбасадата на САД во Брисел

A1on

Демократски дебати неделава во САД – прва предигра за изборите во 2020 година

A1on

Уште еден американски воен брод вплови во води близу Блискиот исток

A1on

Град на Флорида исплати 600.000 долари на хакери

A1on

Трамп викендов ќе ја посети Јужна Кореја

A1on

Помпео: Сакам глобална коалиција против Иран

A1on