Романија ги отфрла критиките и тврди дека е подготвена да претседава со ЕУ

Соочени со критики дека Владата на Романија не е подготвена за преземање на ротирачкото претседавање со Европската Унија, романски официјални претставници денеска истакнаа дека се „добро подготвени“ и дека внатрешните политички поделби во земјата се дел од предизборната состојба.

Државниот секретар за европски прашања Џорџе Чамба изјави дека романската Влада е подготвена за претседавање.

– Не гледам на тоа прашање како техничко и политичко. Ние сме подготвени. Во секоја држава членка има политички несогласувања и тоа нема да запре. Не е само така во Романија, мораме да го признаеме фактот дека доаѓаат европски избори и ќе има политизирање во цела Европа, додаде Чамба.

Изјавата на Чамба претставува реакција на ставот на претседателот на Европската комисија, Жан-Клод Јункер, кој во интервју за „Велт ам Зонтаг“ изрази сомнеж во капацитетите на Букурешт, со што крена голема прашина само два дена пред романското преземање на претседавањето со ЕУ.

– Имам сомнежи бидејќи Владата во Букурешт не разбра во целост што вклучува претседавање со членки на ЕУ… Внатрешната политичка ситуација во Романија е таква што земјата не може да настапува единствено во Европа. Земјата треба да биде обединета за да може да бара единство во Европа за време на претседавањето, изјави Јункер за германскиот весник.

Досега не се памети дека некој претседател на Еврокомисија толку директно и отворено го критикувал следно претседателство на ЕУ.

Би можело да ве интересира

Путин ја продолжи забраната за увоз на храна од ЕУ до 2020 година

A1on

Сијарто: Одложувањето на почетокот на пристапните преговори беше многу нефер за вашата земја

A1on

Вишеградска група: Северна Македонија секогаш ќе го има нашиот глас и поддршка

A1on

Речиси 900 илјади мигранти во ЕУ чекаат одлука за своите молби за азил

A1on

Ципрас: Северна Македонија ги исполнува критериумите за почеток на пристапни преговори со ЕУ

A1on

Илјадници луѓе учествуваа на парадата на гордоста во Букурешт

A1on