Делегација на ЕУ нема да присуствува на инаугурацијата на Мадуро во Венецуела

Делегација на Европската Унија нема да присуствува на инаугуративната седница на венецуелскиот претседател, Николас Мадуро денеска во Каракас, потврди портпаролката Маја Коцијанчич.

Коцијанчич потсети дека ЕУ смета дека изборите во Венецуела не беа „ниту слободни, ниту фер“ и изрази жалење што не беа организирани нови регуларни избори.

– Во овој контекст, ЕУ и земјите членки нема да учествуваат на инаугуративната седница денеска, но ЕУ ќе продолжи да биде политички ангажирана во поддршка за мирно и демократско решение за кризата во Венецуела и ќе ги остави отворени комуникациските канали со релевантните актери, истакна портапаролката.

Според информации во одредени медиуми, можно е на инаугурацијата на Мадуро да бидат присутни грчкиот и шпанскиот амбасадор, иако не е потврдено.

Изборот на Мадуро е многу контроверзен, а изборите беа критикувани од огромен дел од меѓународната заедница и многумина најавија дека нема да го признаат неговиот мандат.

Лидерот на европските либерали, Ги Верхофштат, ја повика ЕУ да не го признае Мадуро за претседател.

Се очекува само Боливија и Куба да испратат делегација на највисоко државно ниво на денешната церемонија во Каракас.

– ЕУ ќе излезе со дополнителни реакции за ситуацијата во Венецуела најави Коцијанчич.

Би можело да ве интересира

Путин ја продолжи забраната за увоз на храна од ЕУ до 2020 година

A1on

Руски авион повторно слета во Венецуела

A1on

Сијарто: Одложувањето на почетокот на пристапните преговори беше многу нефер за вашата земја

A1on

Вишеградска група: Северна Македонија секогаш ќе го има нашиот глас и поддршка

A1on

Речиси 900 илјади мигранти во ЕУ чекаат одлука за своите молби за азил

A1on

Ципрас: Северна Македонија ги исполнува критериумите за почеток на пристапни преговори со ЕУ

A1on