„Утеха за голите“ – нов роман на Давор Стојановски

„Утеха за голите“ е насловена новата книга на Давор Стојановски, кој во 2016 ја доби наградата „Роман на годината“ за „Собирачи на пепел“.

Ова е 167-ми наслов во популарната едиција ПРОаЗА на издавачката куќа „Или-Или“ која, како што соопшти, продолжува со тенденцијата да го нуди најдоброто од новата генерација македонски автори.

-Со неговиот веќе препознатлив стил и одлична реченица, Давор Стојановски раскажува приказна која ќе го заинтригира читателот притоа нудејќи му задоволство далеку од евтините трилери и провидните deus ex machina решенија на современите романи, а сепак да не биде оптоварен со тешка синтакса и безредно нафрлани заплети. Авторот и овојпат раскажува приказна што е мрачна и бизарна, без притоа да ја изгуби својата хуманистичка нота во сиот хаос на современото живеење, соопшти „Или-Или“.

Давор Стојановски (1987, Скопје) е писател, поет, преведувач и музичар. Магистрирал на Филолошкиот факултет во Скопје. Неговите дела се застапени во домашни и во странски антологии. Неговиот прв роман „Ненасловена месечева соната“ од 2013-та влезе во потесниот круг за наградата „Роман на годината“, а вториот роман „Собирачи на пепел“ ја освои таа награда на „Утрински весник“.

Би можело да ве интересира

Данската писателка Јане Телер ќе го промовира романот „Ништо“

A1on

Летен фестивал на книгата во „Три“ – „Читај каде и да одиш“

A1on

Читајќи го Балканот – разговор со четворица писатели

A1on

„Калеидоскоп“ – едиција со десет современи книжевни дела за млади

A1on

„Сенката на Марко Крале“ – монографска студија на Витомир Митевски

A1on

Промоција на книги од Санде Стојчевски, Елена Пренџова и од Стефан Марковски

A1on