Ќе се бришат камати од долгови за комунални услуги

Пратениците и од власта и од опозицијата се согласија да се донесе закон за отпис на камати од долгови за сметки од комунални услуги за периодот од 2006 до 2011 година. Со амандмани денеска, на Комисијата за финансирање и буџет, се допрецизираа одредбите, па сега законот ќе важи и за сметките за радиодифузија, но и за фиксна и мобилна телефонија, кабелски оператори, одржување на заеднички простории во згради, наводнување и одводнување на земјоделски површини.

Законот предвидува сите јавни претпријатија или приватни компании кои даваат услуги да го прифатат решението за отпис на каматите. Наместо по три месеци, Законот ќе стапи на сила веднаш по објавувањето во Службен весник а претпријатијата што вршат комунални и јавни дејсности, треба во рок од 10 дена да донесат генерална одлука дали го прифаќаат отписот на каматата. Граѓаните ќе имаат рок од 12 месеци да го платат основниот долг. Висината на наградата и надоместокот на извршните и процесните трошоци за работата на извршителите и адвокати, по предмети кои произлегуваат од услугите , не може да надмине 20% од нивните предјавени и утврдени трошоци.

Овој закон, предложен од 90-на пратеници од власта и од позицијата, беше речено на седница на Комисијата, ја покажува парламентарната демократија и соработката меѓу пратениците.Законот ќе се најде на пленарна седница, само доколку не се распишат предвремени избори.

Би можело да ве интересира

Трајко Димков и Артан Груби ќе учествуваат во Комисијата за избор на работници од УБК

A1on

Собранието утре ќе ги гласа предлозите за избор на нови членови на Владата

A1on

Новите имиња за министри до крајот на неделата, по нив и на променетите директори

A1on

До петок предлозите за реконструкција на Владата во Собрание

A1on

(ВИДЕО) Џафери-Џангшу: Посетата силен придонес за унапредување на соработката

A1on

(ВИДЕО) Џафери – Јунху: Иако географски оддалечени двете држави негуваат одлични билатерални односи

A1on