Агенцијата за разузнавање и Факултетот за безбедност ја зајакнуваат соработката

Анекс Меморандум за соработка потпишаа денеска директорот на Агенцијата за разузнавање Зоран Иванов и деканот на Факултетот за безбедност – Скопје Никола Дујовски.

– Исклучително е важно и за Факултетот и за Агенцијата да ги отворат своите капацитети и да ги препознаат активностите што може да придонесат за унапредување на работата на двете институции, рече Дујовски.

Тој посочи дека Факултетот ќе се вклучи во многу активности кои ќе ги спроведува Агенцијата во следниот период, особено во делот на обука на кадри и внатрешен тренинг на вработените.

Директорот на Агенцијата за разузнавање изјави дека денешното опкружување и безбедносните закани кои се присутни во земјата и надвор не дозволуваат да работиме сами, бидејќи во тој случај ништо не може да се постигне.

– Заканите се многу комплексни, во последно време станува збор за нелинеарен начин на војување. Ако пред неколку години можевме да препознаеме кој е непријателот, сега е многу тешко да се идентификува, нагласи Иванов.

Како најголем ризик за безбедноста тој го посочи тероризмот и додаде дека Агенцијата за разузнавање е подготвена да одговори на актуелните ризици, бидејќи таа систематски пристапува кон сопствената надградба.

Агенцијата, додаде тој, активно соработува со 58 служби на дневна основа, а нејзини претставници се присутни и работат во осум држави.

Директорот на Агенцијата за разузнавање денеска по потпишувањето на анексот на Меморандумот пред студентите на Факултетот за безбедност – Скопје одржа предавање на тема „Промените во безбедносното опкружување на Република Македонија и глобалните предизвици и закани“.

Би можело да ве интересира

ОН: Најопасно место за жените е нивниот дом

Ерол Муслиу – нов директор на Агенцијата за разузнавање

Ана Ололовска

Сијарто: Безбедноста на Европа почнува во Турција

Објавена трилогија „Македонски безбедносни лавиринти“

Ана Ололовска

Доделени првите сертификати од програмата за стручно усовршување за разузнавање и анализа

Ана Ололовска

Регионална школа за безбедност: Потребно е обнова на сите безбедносни документи во Република Северна Македонија

Ана Ололовска