Рускиот министер за одбрана Сергеј Шојгу го посети штабот на руската армиска група „Центар“, која е вклучена во украинскиот конфликт, објавија денеска руските новински агенции, повикувајќи се на Министерството за одбрана. Командантот на групата „Центар“ го информирал министерот за борбената состојба, а Шојгу им се заблагодарил на офицерите и војниците за „успешните операции“ во близина на Лиман, пренесува Интерфакс.
На министерот за одбрана му беше представено шведско пешадиско борбено возило ЦВ-90, оставено од украинските војници што се повлекуваа откако беше погодено со рачна противтенковска граната, и беше информиран за неговите „недостатоци“. Извештајот е во согласност со руските напори за намалување на ефикасноста на оружјето и опремата што и се доставуваат на Украина од членките на НАТО и другите западни земји, наведува Ројтерс.
Патувањето на министерот дојде неколку дена по посетата на линијата на фронтот на генерал Валери Герасимов, началник на Генералштабот и врховен командант на руските сили во Украина.