Павлопулос не ги потпиша декретите за избор на претседател и обвинител на Врховниот суд

Грчкиот претседател Прокопис Павлопулос не ги потпиша претседателските декрети за избор на претседател и обвинители во Врховниот суд на Грција, избрани од претходната влада.

Правната служба на претседателот на државата до Владата ги врати двата нацрт претседателски декрети.

Како што јави дописничката на МИА од Атина, грчки дипломатски извори коментираат дека од моментот кога декретите не се потпишани од претседателот на државата, немаат никаква правна сила и според тоа немаат обврзувачки карактер за новата влада.

На 31 мај, на вонредна владина седница, зад затворени врати, тогашната влада на СИРИЗА донесе одлука за избор на новите челници на највисоките судови, а од Нова демократија тогаш оценија дека изборот е противуставен и нелегален, бидејќи земјата беше пред парламентарни избори.

На почетокот на мај започнаа процедурите во грчкиот Парламент за избор на претседател на Врховниот суд, јавен обвинител и тројца заменици претседатели на Уставниот суд на Грција, бидејќи мандатот на актуелните им беше до 30 јуни.

Би можело да ве интересира

Атина загрижена заради зголемениот број на мигранти на островите во Егејско море

Грчкиот Парламент положи заклетва

Ана Ололовска

Шефот на грчката дипломатија во посета на САД

Ана Ололовска

Грчката метеоролошка служба предупредува за ново невреме, механизмот на пожарникарите е подготвен за справување со можни проблеми

Ана Ололовска

Средба Мицотакис – Дендиас пред посетата на шефот на грчката дипломатија на САД

Ана Ололовска

Пецас: Не е во наш интерес да бидеме против почеток на пристапни преговори на соседната земја со ЕУ

Ана Ололовска