Теохарис: Грчкиот туризам издржа, Халкидики e подготвен да пречека нови туристи

Грчкиот туризам издржа, изјави министерот за туризам на Грција, Харис Теохарис по дводневната посетата на Халкидики и оцени дека поради невремето немаше масовни заминувања, јави дописничката на МИА од Атина.

Теохарис вчера и денеска, оствари средби со претставници на туристички организации и на големи тур оператори на Халкидики, ги посети повредените во болниците и рече дека веднаш ќе се започне со специјална кампања за да се испрати порака до странските пазари „за издржливоста на грчкиот туризам и брзото враќање во нормала“. Во овие рамки веќе биле известени големи тур оператори и медиуми од странство за Халкидики како динамична туристичка дестинација.

По средбите, министерот за туризам на Грција, констатира дека пораките од странство се позитивни, а големите пазари реагирале смирено.

Пораката дека на Халкидики веќе не постојат проблеми и оние кои постоеја веќе се надминаа, Теохарис jа испрати и преку интервјуто за радиото „Практорио фм“ на грчката новинска агенција АНА-МПА.

– Не поминаа ни 24 часа и гледаме дека хотелите што се соочија со проблеми и штети, со паднати дрва и слично поради невремето, целосно се санирани и работат нормално. Грчкиот туризам се исправи, стои на нозе, а Халкидки е подготвен да ги прими оние кои ќе дојдат и секако да продолжи со гостопримството за оние кои што се веќе тука, посочи министерот за туризам во интервјуто за грчкото радио.

Би можело да ве интересира

Атина загрижена заради зголемениот број на мигранти на островите во Егејско море

Грчкиот Парламент положи заклетва

Ана Ололовска

Шефот на грчката дипломатија во посета на САД

Ана Ололовска

Грчката метеоролошка служба предупредува за ново невреме, механизмот на пожарникарите е подготвен за справување со можни проблеми

Ана Ололовска

Средба Мицотакис – Дендиас пред посетата на шефот на грчката дипломатија на САД

Ана Ололовска

Пецас: Не е во наш интерес да бидеме против почеток на пристапни преговори на соседната земја со ЕУ

Ана Ололовска