Силно невреме во Преспа, паднати дрвја оштетија куќа и автомобил

Силно невреме со силен дожд и ветер го зафати Преспанскиот регион, информираат од Центарот за управување со кризи.

Како што додаваат од таму, погодени се селото и автокампот Крани, како и Претор и Наколец.

„Од невремето има паднати дрвја, бандери и во прекин е електричната енергија. Во автокампот има паднати дрвја врз камп приколки и истите се оштетени. Луѓето кои престојувале во нив се згрижени кај соседите и нема повредени“, се наведува во соопштението.

Од невремето зафатени се и селата Долно Дупени, Сливница и Љубојно.

Во село Љубојно има паднати дрвја од кои има оштетени куќа и автомобил, а во село Наколец паднато дрво го препречило локалниот селски пат.

Од Центарот за управување со кризи напоменуваат дека повеќе преспански села – Долно Дупени, Крани, Сливница, Претор, Љубојно и Наколец се без електрична енергија.

На терен се испратени припадници на итните служби кои работат на расчистување на патиштата.

Од Управата за хидрометеоролошки работи велат дека вечерва времето насекаде е облачно со врнежи од дожд, кои во Гевгелија и Битола се проследени со појава на грмежи.

Поинтензивни процеси биле регистрирани во југозападниот дел од земјата, поточно над Охридско и Преспанско Езеро.

Би можело да ве интересира

Над 130 загинати во монсунските дождови во јужна Азија

Над 50.000 луѓе без струја поради бурата Бери во Луизијана

Теохарис: Грчкиот туризам издржа, Халкидики e подготвен да пречека нови туристи

ВИДЕО: Страотен удар на гром во центарот на Солун

Македонските туристи остануваат на Халкидики, нема поголеми откажувања на аранжманите

Ана Ололовска

Гром удрил во трафостаницата кај изворите во Шум, отежнато водоснабдувањето во Струга

Ана Ололовска