ВИДЕО: Опозицијата не го поддржува новиот Закон за управување со природното и културното наследство на Охрид

Пратеничката група на ВМРО-ДПМНЕ на денешната комисиска расправа за усвојување на новиот предлог Закон за управување со природното и културното наследство на Охрид, не го поддржа усвојувањето со образложение дека предвидениот мораториум за градба во Охрид и слични мерки, Владата можела да ги спроведе и со постоечкиот Закон.

“Владата и сите надлежни институции можеа досега да донесат одлука за уривање на дивоградбите и без овој нов Закон. Во оваа фаза на Законот колку и да сакаме да бидеме конструктивна опозиција нема да го поддржиме”, рече Манаскова од ВМРО-ДПМНЕ.

Суштински промени во Законот има, и од Надзорната расправа констатиравме дека стариот Закон имаше пропусти токму во прекршочните мерки, тврди Поповска од ДОМ.

“Не треба да коментираме дали новиот Закон и во колку проценти е ист како стариот, важно е дека во него се имплементирани засилени мерки на заштита”, реплицираше Поповска.

Факт е дека Охрид се наоѓа во страшна состојба и затоа УНЕСКО бара од нас реална разработка на план со кој ќе се справиме со оваа голема криза, а одговорноста е на сите, рече Никица Корубин.

Според Корубин, ние не сме ги почитувале постоечките закони и сме го довеле Охридскиот регион во ваква состојба.

“Сите сме виновни, и локалната и извршната власт, граѓаните не се информирани а медиумите недоволно информираа јавноста. Но сега се плашам дека ако продолжуваме со напаѓање и собирање политички поени а не се концентрираме на решњнија, ќе влеземе во поголема криза. Законот треба што побргу да се донесе и да стапи на сила”, смета Корубин и нагласи дека ни е потребна странска екпертска помош за да ја вратиме довербата од УНЕСКО.

Комисиската седница е прекината заради пленарната, а за продолжението на расправата ќе известат дополнително.

Би можело да ве интересира

Лашкоска: Тоа што Владата го презентирала пред комитетот на УНЕСКО не соодветствува со тоа што го нуди како предлог-закон

Ана Ололовска

Када заврши во Охридско езеро

Ана Ололовска

Милчин до Адеми: Како не ти е срам, пицеријата кај чинарот е скала?

Татјана Ташкова

Адеми: Верувам дека до февруари голем дел од дивоградбите во Охрид ќе бидат расчистени

Ана Ололовска

Граѓанските организации бараат Владата да ја препознае заканата од уништување на природното и културно наследство во Охрид

ДОМ: Само со почитување на законите може да се сочува УНЕСКО статусот на Охридскиот регион!

Ана Ололовска