Извршен увид на местото на тешката сообраќајна несреќа на скопска обиколница

Дежурен јавен обвинител од Основното јавно обвинителство Скопје изврши увид на местото на тешката сообраќајна несреќа на скопската обиколница, во која попладнево едно лице го загуби животот, а три се повредени. Меѓу повредените се и двајца полициски службеници.

Според првичните сознанија, несреќата се случила кога сообраќајна полициска патрола запрела возило БМВ со гостиварски регистарски таблички кое возело со брзина поголема од дозволената. Додека полициските службеници разговарале со возачот на автомобилот, на нив налетал камион со скопски регистарски таблички. Од ударот, автомобилот БМВ се запалил и целосно изгорел. Притоа, на лице место животот го загубил совозачот во автомобилот БМВ.

По наредба на јавен обвинител ќе се врши обдукција врз починатото лице, додека од возачот на камионот ќе бидат земени примероци од крв и урина заради испитување на присуство на алкохол или други супстанции кои би можеле да влијаат на неговата способност за управување со превозно средство. Врз камионот ќе се врши вонреден технички преглед со цел да се утврдат причините за несреќата.

Би можело да ве интересира

ВИДЕО: Скопјанец го бркаа со сатар низ Лептокарија бидејќи се пожалил на високата сметка

Кристијан Ландов

15-годишно девојче од Прилеп паднало во провалија

Ана Ололовска

Со хеликоптер извлечено 15-годишно девојче од Селечка Планина кај Прилеп

Гостиварец и дебранец го нарушиле јавиот ред и мир во Дебар

Ана Ололовска

Кавадарчанец со остар предмет му нанел убодна рана на сограѓанин

Ана Ололовска

Едно лице повредено во расправија на „Џон Кенеди“