Два силни земјотреса во Кина, 12 лица загинаа, 134 се повредени

Во два силни земјотреса, кои ја погодија Кина, загинаа 12 лица, а 134 се повредени, соопштија денеска кинеските државни медиуми, додавајќи дека спасувачките екипи извадиле неколку преживеани од под урнатините.

Земјотрес со интензитет од 5,9 степени беше проследен со уште еден со јачина од 5,2 степена, а двата достигнаа длабочина од 10 километри, со епицентар во близина на округот Чангнинг, соопшти Геолошкиот завод на САД.

Двата земјотреса, кои се случија во период од 30 минути, синоќа ја погодија југозападната провинција Сечуан. Нив ги почувствувале и жителите во големите регионални градови, како што е главниот град Ченгду и метрополата Чонгкинг.

Спасувачите извадиле неколку преживеани од урнатините во близина на епицентарот.

Во овој регион, земјотресите се чести, а во мај 2008 година Сичуан го погоди голем земјотрес во кој загинаа речиси 70.000 луѓе.

Би можело да ве интересира

Кина нема да соработува со американски компании кои продаваат оружје на Тајван

Ана Ололовска

Ванг: САД да не си играат со оган во врска со Тајван

Татјана Ташкова

Во Кина уапсени 16 странци и тројца Кинези за употреба на дрога

Русија и Кина повикуваат на воздржаност во Ормутскиот теснец

Ана Ололовска

Русија со автопат долг 2.000 километри ќе се поврзе со Кина

Татјана Ташкова

САД ги редуцира санкциите кон „Хуавеј“