Почнува запишувањето во средните училишта

Во средните училишта денеска и утре е првото пријавување за запишување ученици во прва година средно образование во учебната 2019/2020 година во јунскиот уписен рок.

Ранг-листите со резултатите од запишувањето и слободните места од првото пријавување ќе бидат објавени на 19 јуни. Второто пријавување и запишување на учениците е на 24 и 25 јуни, а третото на 1 јули.

Конкурсот на Министерството за образование и наука обезбедува 35 690 ученички места, од кои 24 581 на македонски наставен јазик, 10 123 на албански наставен јазик, 952 на турски наставен јазик и 34 на српски наставен јазик.

За гимназиско образование предвидени се 10 713 слободни места. За стручно образование во четиригодишно траење слободни се 18 365 слободни места, за стручно образование во тригодишно траење 5490, а за стручно образование во двегодишно траење има 408 места.

МОН најави дека од учебната 2019/2020 година во сите средни стручни училишта ќе почнат да се реализираат новите наставни планови и 1040 модуларно дизајнирани наставни програми за стручно образование со четиригодишно траење кои предвидуваат воведување на учењето преку работа во трета и четврта година како интегрален елемент во системот на техничко образование и зголемување на учеството на практичната настава и вежби за учениците.

Би можело да ве интересира

Второ пријавување за упис во средните училишта

Ана Ололовска

Ќе нема тестирање за „Орце Николов“, учениците ќе бидат примени

Ана Ололовска

МОФ: Новиот Закон за високо образование ветуваше многу, а исполни малку

Ана Ололовска

На 17 и 18 јуни запишување во средните училишта

Почнува летниот распуст за учениците

Ана Ололовска

Завршува учебната 2018/2019 година

Ана Ололовска