Дукс: Очекуваме одлука за почеток на преговорите од министерскиот состанок

Унгарија очекува следната недела Советот за општи работи, во кој члeнуваат шефовите на дипломатиите на земјите членки на ЕУ да биде донесена одлука за отворање на пристапните преговори на нашата земја, изјави денеска во Скопје амбасадорот на Унгарија Ласло Дукс.

-Се надеваме дека Советот на министрите следната недела ќе донесе позитивна одлука за отворање на пристапните преговори со Република Северна Македонија. Унгарија силно поддржува ваква одлука и се обидуваме да ги убедиме земјите – членки кои сеуште се воздржуваат околу тоа дека ова е прашање на кредибилноста на ЕУ, рече унгарскиот амбасадор на конференцијата насловена „Иднината на политиката на проширување на ЕУ во светло на изборите за Европскиот парламент“, организрана од унгарскиот Институт за надворешни работи и трговија.

Тој посочи и на заедничкото писмо на 13те земји членки меѓу кои е и Унгарија, што беше објавено вчера, во кое се дадени аргументи во прилог на очекуваната позитивна одлука.

Во однос на новиот состав на Европскиот парламент амбасадорот Дукс изрази надеж дека тој ќе остане институција која ја поддржува политиката на проширувањето.

-Сите унгарски партии кои се претставени во ЕП го поддржуваат проширувањето, вклучувајќи и почеток на пристапните преговори со Република Северна Македонија, рече амбасадорот на Унгарија во земјава Ласло Дукс.

Состанокот на Советот за општи работи, во кој членуваат министрите за надворешни работи на земјите членки на ЕУ ќе се одри на 20 и 21 јуни во Луксембург и ќе претходи на самитот на Европскиот совет.

Би можело да ве интересира

Протоколот за ратификација на членството на Северна Македонија во НАТО пред француската Влада

Татјана Ташкова

Зелените бараат четири портфолија во идната Европска Комисија

Пред ЕП претставени приоритетите на финското претседателство со ЕУ

ЕУ подготвена за нови санкции против Венецуела

Ана Ололовска

ЕП со изборот на Урсула фон дер Лејен го избра патот на опуштање на односите со Советот на ЕУ

Ана Ололовска

Хан: Фон дер Лејен ја потврди европската перспектива на Западен Балкан