До крајот на месецот проверка на претпополнетата годишна даночна пријава

Граѓаните кои оствариле приходи во 2018 година имаат рок до крајот на овој месец, односно 31 мај да направат увид во претпополнетата Годишна даночна пријава електронски доставена од Управата за јавни приходи.

На електронскиот систем на Управата за јавни приходи регистрирани се над 680 илјади даночни обврзници кои оствариле приход во текот на 2018 година. Тие треба на својот кориснички профил да ја проверат испратената препополнета Годишна даночна пријава и да ја потврдат или да ја кориригираат.

Од УЈП за МИА информираат дека од 1 јуни Годишните даночни пријави ќе добијат статус на конечни даночни пријави, согласно последниот статус на Годишната даночна пријава, коригирана или потврдена.

– Исто така од 1 јуни 2019 година службено ќе бидат потврдени и Годишните даночни пријави што од страна на граѓанинот не се ниту потврдени или коригирани, појаснуваат од УЈП.

Оттаму додаваат дека годишната даночна пријава што граѓанинот ја коригирал, а добила статус на конечна даночна пријава, ќе треба да биде одобрена од службено лице на Управата за јавни приходи. Доколку службеното лице не ја одобри пријавата, посочуваат, ќе следи донесување на решение за утврдување на персоналниот данок на доход за 2018 година.

–Пресметана разлика за доплата по годишната даночна пријава и платените аконтации во 2018 година, даночните обврзници имаат обврска да ја платат најдоцна до 30 јуни 2019. Согласно законските одредби УЈП, како што наведуваат, нема да носи Решение за 2018 година за пресметаниот годишен персонален данок од доход.

Од УЈП наведуваат дека граѓаните кои имаат потреба од помош при коригирањето на претпополнетите Годишни даночни пријави, може да се обратат во контакт центарот на телефонските броеви 0800 33 000 и 02/3253 200.

Воедно, ги повикуваат и граѓаните кои оствариле приходи, а се уште не се регистрирале на системот е-Персонален данок, тоа да го сторат во најкраток можен рок.

Би можело да ве интересира

ВИДЕО: Од 1 јули поврат на 15% од платен ДДВ кај граѓаните

A1on

Уште денеска и утре потврда или корекција на Годишната даночна пријава

A1on

Годишните даночни пријави ќе може да се потврдат или корегираат и за време на викендот

A1on

Даночните обврзници уште денеска можат да ги потврдат или корегираат податоците во годишната даночна пријава

A1on

Се менува Законот за финансиска дисциплина, се намалува надоместокот за доцнење и се пренесува надзорот од УЈП во ДПИ

A1on

Лукаревска: Тенденција на УЈП е да се градат партнерски односи со даночните обврзници

A1on