Харадинај му порача на Вучиќ да се однесува европски

Косовскиот премиер Рамуш Харадинај му порача на претседателот на Сербија Александар Вучиќ да ги прифати европските вредности и да ја признае реалноста дека Косово е независна држава, јави дописникот на МИА од Приштина.

Коментарот на Харадинај уследи по денешната изјава на Вучиќ дека, по самитот на лидерите на Западен Балкан во Париз, идниот месец, Србија ќе почне да презема „силни и остри мерки против Косово“.

Косовскиот премиер преку објава на Фејсбук му порача на српскиот претседател да се откаже од ставовите кои ги имал и во минатото и кои „предизвикаа трагедии и болка“.

– Рефлектирај Вучиќ. Време е да ги прифатиш европските вредности, а не да изнесуваш ставови кои си ги изнесувал во минатото, ставови кои предизвикаа трагедии и болка. Државата Косово е држава и на косовските Срби, општество во кое сме заедно. Нам ни треба надеж и Косово е подготвено за спогодба со која ќе се прифати реалноста на две држави, во постоечките граници и со меѓусебно почитување, напиша Храдинај.

Би можело да ве интересира

Тачи: Ако оваа година не се разбереме со Србија, ќе влеземе во опасна зона

A1on

Иселувањето на младите ја чини Србија од 1,2 до 2 милијарди евра годишно

A1on

ВИДЕО: Поројни дождови го парализираа Белград, „гејзери“ се формираат на улиците, водата влегува во возилата

A1on

Вучиќ: Смешно ми е кога во медиумите ќе прочитам дека Србија води кампања против Црна Гора

A1on

Вашингтон: Белград и Приштина да преговараат без провокации и да се вратат на дијалогот

A1on

Харадинај: Нема да седиме со скрстени раце пред планот на Белград за дестабилизација на Косово

A1on