НАТО бара Русија да го напушти Крим, Москва смета дека Алијансата сака да го дестабилизира

НАТО ја повика Русија да го напушти Крим, а рускиот сенатор од тој полуостров, Сергеј Чеков, повикот го оцени како несоодветен.

Реакцијата на Чеков уследи по изјавата на началникот на Воениот комитет на НАТО, Стјуарт Пич, дека Алијансата не ја признава припадноста на Крим на Русија и ја повика Москва да ги повлече војниците од полуостровот.

-Жителите на Крим живеат во мир и спокојство, а НАТО би сакал да ја дестабилизира ситуацијата на полуостровот. Ним (НАТО) не им се допаѓа начинот на кој се развива Крим, но нема да им го дадеме тоа задоволство, рече Чеков.

Според него, Крим повторно се обединил со Русија легално и праведно, а барањата на претставниците на Алијансата не се соодветни.

Шефот на работната група за меѓународно-правни прашања на Постојаното претставништво на Република Крим при претседателот на Руската Федерација, Александар Молохов, рече дека не треба да се посветува внимание на зборовите на претставникот на НАТО.

-Тој не кажа ништо ново. Редовни ритуални фрази, кои го одразуваат цврстиот и неконструктивниот став на војската на НАТО, рече Молохов.

Во март 2014 година, Русија го анектираше Крим по референдумот кој западните земји го оценија како нелегален, бидејќи, според нив, руските војници го окупирале регионот за време на процесот на гласање.

Заедно со Генералното собрание на ОН, и САД, ЕУ и Турција не го признаваат Крим како руска територија.

Би можело да ве интересира

Лавров: Санкциите на САД против Иран се непромислени и дестабилизирачки

A1on

Унгарија го ратификува протоколот за членство на Северна Македонија во НАТО

A1ON

НАТО: Русија има рок до 2 август да се усогласи со нуклеарниот договор

A1on

Патрушев: Американскиот дрон бил во иранскиот воздушен простор

A1on

„Блумберг“: Кина, Русија и Иран имаат намери да се вмешаат во изборите во 2020 година

A1on

Столтенберг се надева дека Северна Македонија ќе стане полноправна членка до декември

A1on