(ВИДЕО) Костадинов: Мицкоски стана промотор на мерките на СДСМ

Човекот кој 11 години не знаеше и не направи ништо за намалување, што не знаеше што значи интерес на граѓаните, тоа е Христијан Мицкоски, почна да станува промотор на политиките на СДСМ, рече Костадин Костадинов, портпарол и пратеник на СДСМ на денешната прес конференција.

Откако СДСМ ја промовираше мерката за намалување на ДДВ за парно од 18 на 5% се јави Мицкоски дека тој и ВМРО-ДПМНЕ ќе се заложеле да се намалат трошоците за затоплување. Тоа почитувани се вика лицемерие и неодговороност. Тоа почитувани граѓани е истиот Христијан Мицкоски, советник на Никола Груевски за енергетика, кој со години не предложи ниту една мерка за намалување на трошоците за граѓаните. Напротив, додека го советувал Никола Груевски, укината е евтината тарифа на струјата, а цената на електричната енергија се зголеми за 100 отсто, додаде Костадинов.

Додека Мицкоски го советуваше Никола Груевски, како што рече Костадинов, граѓаните на Скопје беа приморани да плаќаат за парно дури и ако не го користат. Додека трошоците на граѓаните растеа, Мицкоски молчеше и го гледаше бизнисот со хидроцентралите кој го добил од Владата дури тој му бил советник на Никола Груевски.

Има господине Мицкоски кој да се грижи за граѓаните, можете да гледате и да учите. Согласно одлуката за намалување на ДДВ-то  за испорака на топлинска енергија од 18 на 5 проценти, од почетокот на новата грејна сезона, граѓаните ќе добиваат помали сметки за парно греење. Тоа значи дека секое семејство, приклучено на централно парно греење со стан со просечна квадратура, ќе добива пониска сметка за околу 220 денари месечно, што значи годишна заштеда од над 2.600 денари, објасни Костадинов.

Секако, добро е ако Мицкоски разбрал што се вистински политики, па стана промотор на политиките на Владата предводена од СДСМ кои значат помали трошоци за граѓаните и повеќе пари во нивните џебови. Го охрабруваме Христијан Мицкоски да презентира и сопствени мерки, кои, за промена ќе бидат во интерес на граѓаните, наместо во интерес и одбрана на криминалите како што тоа го прави досега, заврши Костадинов.

Би можело да ве интересира

СДСМ: Мицкоски се уште го брани криминалот на Никола Груевски и тоа е единствениот негов фокус и константа

A1on

СДСМ: Лашкоска е симбол на непотизам, ВМРО-ДПМНЕ нема чесни и одговорни личности

A1on

СДСМ: Државата за првпат враќа пари директно кај граѓаните

A1on

СДСМ: Обвинетиот Димовски да одговори за случајот „Топлик” на СЈО и како добил државно земјиште заедно со Хидро Мицкоски

A1on

СДСМ: Расипничкото ВМРО-ДПМНЕ не го разбира концептот за враќање пари кон граѓаните

A1on

ВМРО-ДПМНЕ: СДСМ ги ограби граѓаните и докажа дека не може да донесе ниту подобар стандард

A1on