Во Словенија регистрирани повеќе случаи на глувчја грозница

Во Словенија оваа година регистрирани се неколку десетици случаи на хеморагична треска или глувчја грозница, која се пренесува преку контакт со заразени глодари, соопштија словенечките здравствени власти, препорачувајќи примена на заштитни мерки.

Националниот институт за јавно здравје соопшти дека до 16 мај оваа година регистрирани се 75 потврдени случаи на оваа болест за која нема вакцина, а која во некои случаи може да биде смртоносна за пациентите.

Од заразените 75 пациени, 59 се машки, а 16 се жени, најмногу во југоисточниот дел на земјата.

– Болеста на подрачјето на Словенија првпат е дијагностицирана во 1954 година. При лесен облик нема посебни здравствени последици, но во одредени случаи може да биде и смртоносна, а против неа не постои вакцина, изјави др Марта Кошир од Институтот за јавно здравје.

Оваа болест се одвива во неколку фази, а карактеристични симптоми се висока температура, силна главоболка и болка во предниот дел на стомакот.

Институтот препорачува превенција со уништување на глодарите кои ја пренесуваат, односно со дератизација, како и лична хигиена, особено по работа кога човек доаѓа во контакт со земја, каде што има глодари.

Би можело да ве интересира

Жена нападната од мечка во близина на Љубљана

A1on

Во Словенија секој десетти вработен е странец, најмногу од БиХ и од Србија

A1on

ВИДЕО: Голем пожар во фабрика за изолациски материјали во Словенија

A1on

Контроверзен билборд по повод Денот на државноста на Словенија

A1on

Словенија повеќе не ја смета Турција за безбедна земја

A1on

Марибор избран за европски суперкомпјутерски центар

A1on