Проштална средба на Димитров со финскиот амбасадор Иконен

Министерот за надворешни работи Никола Димитров денеска во проштална средба го прими амбасадорот на Република Финска за нашата држава со седиште во Белград Перти Иконен.

Димитров, како што соопшти МНР, се заблагодари за личната посветеност на амбасадорот Иконен во развивањето на билатералните односи, како и неговиот професионален ангажман кон интензивирање и унапредување на соработката во различни области од заемен интерес.

– Република Северна Македонија високо ја цени поддршката и искреното пријателството од финската Влада за остварување на нашите стратешки приоритети со очекување таа да продолжи со засилено темпо, особено за време на финското претседавање со Советот на ЕУ, кое започнува на 1 јули 2019 година, потенцирал Димитров на средбата.

Посакувајќи му среќа и успех во натамошната кариера, министерот Димитров на амбасадорот му врачил благодарница за неговата посветеност и напори вложени во промовирањето на македонско – финското пријателство.

Би можело да ве интересира

МНР објави дежурен телефонски број од Генералниот конзулат во Солун

Татјана Ташкова

(ВИДЕО) Стоилковски: Трет месец македонската дипломатија не е здравствено осигурана

Ана Ололовска

Со македонски пасош без визи во 123 земји во светот

Ана Ололовска

Димитров: Ако не ги започнеме пристапните преговори оваа година, тоа значи дека не постои европска перспектива

Ана Ололовска

(ВИДЕО) Јаулески: Димитров е виновен за трајното иселување на двајца врвни млади експерти

Ана Ололовска

Прв состанок на Заедничката меѓувладина комисија со Бугарија

Ана Ололовска