Гринпис од Русија ќе добие три милиони долари отштета

Невладината организација Гринпис од Русија ќе добие три милиони долари согласно спогодбата меѓу Холандија и Москва, соопшти групата посветена на заштита на животната средина.

Со спогодбата треба да се стави крај на повеќегодишниот правен спор откако руските власти го запленија бродот „Артик санрајз“ на Гринпис, кој пловеше под холандско знаме и уапсија 30 членови од екипажот.

Руски агенти го зазедоа „Артик санрајз“ во меѓународните води откако тие протестираа против нафтените платформи. Уапсените во руски затвор минаа неколку месеци и беа ослободени непосредно пред Зимските олимписки игри во Сочи во 2014 година.

Холандското Министерство за надворешни работи денеска соопшти дека е постигната „целосна и конечна спогодба“, чии детали се доверливи.

Меѓународен арбитражен суд во јули 2017 година и наложи на Русија на Холандија да и исплати над пет милиони евра отштета поради инцидентот во 2013 година, но Москва не ја призна одлуката на судот.

Би можело да ве интересира

Руска воена вежба против евентуална терористичка закана

A1on

ПССЕ би можело повторно да ги отвори вратите за Русија

A1on

ВИДЕО: Модернизираниот руски „Ноќен ловец“ користи нова врвна тајна ракета за соборување на цели

A1on

ВИДЕО: Руски Су-24 прелета над носач на авиони на НАТО

A1on

Путин: Ќе соработуваме со новиот премиер на Велика Британија, кој и да е тој

A1on

Путин им забрани на руските авиокомпании да летаат до Грузија

A1on